Sko aldrei að vita nema maður hendi inn einu og einu bloggi inn á milli þegar manni sárvantar afsökun fyrir því að vera ekki að læra, og gefa fólki tækifæri á að gera smá grín að minni lélegu stafsetningarkunnáttu.

En já skólinn búinn að vera á fullu hátt í 5 vikur núna. Gengur bara fyrir sig eins og venjulega, nóg að gera og alltaf að berjast við að drukkna ekki. En þetta hefst nú allt á endanum, skulum við vona allavega.

Búin að henda inn einum nýjum myndalink, Haustferð Guðbrands '07. Það var sem sagt farið síðast liðinn föstudag með Guðbrandi, Nemendafélagi byggingatæknifræðinema í heljarinnar haustferð og svo brjálað partý á eftir. Hátindur kvöldsins var þegar ég "eignaðist nýjan frænda" svona nokkurn veginn, ef það er hægt að orða það þannig. Drullaðist loksins til að upplýsa frænda minn sem er á 7.önn í byggingatæknifræði að við værum nú skild. Hvorki meira né minna en systrabörn. So that's all good

Framundan eru fjölmargir skemmtilegir viðburðir. Byrjar með Volare-kynningu hjá Ástu gellu á laugardaginn. Eftir það liggur leiðin í svakalegt innflutningspartý niður í bryggjuhverfi til Birnu og Stefáns, þar sem slett verður rækilega úr klaufunum. Eftir rúma viku, eða á laugardaginn í næstu viku verður svo farin haustferð Technis, þar sem galvaskir drykkjuhrútar og stuðboltar úr tæknifræðinni ætla að leggja suðurlandið undir sig. Liðið verður svo ferjað aftur heim á sunnudeginum, eflaust í misjöfnu ástandi

TOPPURINN Á TILVERUNNI verður svo eftir rúmar tvær vikur þegar ég sting af til elsku bestu Danmerkunnar minnar. Miðvikudaginn 3.okt leggjum við Svandís Ósk, bestu íslensku aupair-stúlkurnar, í heimsókn til Köben og Næstved. Hef ekki séð fjölskylduna Ostergaard í 2 ár! Ekkert síðan ég flutti heim frá DK. En áætlunin er að fljúga út eldsnemma á miðvikudaginn, eyða öllum miðvikudeginum inn í kóngsins köbenhavn og taka svo lestina til Næstved eftir að hafa borðað kvöldmat, eflaust á Jensen's Boffhus eða einhverjum álíka dýrindis matsölustað. Verðum svo hjá fjölskyldunni alla helgina, og munum gera okkar besta við að sýna nýju aupair stelpunni fram á ágæti Næstved. Mánudagsmorgun verður ferðinni svo aftur haldið inn í Köben og síðan flug heim mánudagskvöld, eins sorglegt og það á eftir að verða. Hlakka svo mikið til að mig er farið að dreyma að við séu þegar komnar út hehe

En jæja það þýðir víst ekki að hangsa meira, best að klára þetta ógeð bara og koma sér heim. Óver end át!´

Jojo DK

Nýjar myndir komnar á netið undir Fljótsdalshérað 07.07 úr langferð minnar og Eyrúnar að heimsækja strákana okkar á austurlandinu Með eindæmum vel heppnuð ferð þökk sé Sindra, Davíð, Bjössa, Árna, Nökkva, Pétri og öllum hinum sem við hittum og kynntumst Endilega tjékk itt át

Jojo

Já nú er víst soldið langt síðan sumarið kom eins og María var svo góð að benda á   og tími kominn á smá innlegg...

Leikar standa þannig að lokaprófum er lokið og komu þau bara mjög vel út, 8,75 í meðaleinkunn úr þeim. Einnig er liðið langt á síðasta áfanga annarinnar þar sem bekkurinn hefur verið í stríði við verst liðna kennara skólans. Mjög áhugaverður áfangi og skemmtilegur, en lítið fer fyrir kennslu og meira fyrir rifrildi við kennarann. Allt ætlaði að sjóða upp úr í gær þegar afhentar voru einkunnir fyrir fyrsta verkefnið enda var þetta svo út úr korti að enginn í bekknum hefur verið vitni að öðru eins. Eftir mikla gagnrýni og kvartanir tókst að fá kallinn til að fara yfir verkefnin aftur og vona ég að þetta komi betur út eftir það. Sem sagt stríðsástand í skólanum

En nú styttist í að skólinn klárist og við tekur Eurovision, djamm og afmæli JEEE Stefnan er tekin á að hittast niður á Skúló hjá Helgu og Gulla og horfa á undanúrslitin á fimmtudaginn og svo heima hjá mér á laugardaginn fyrir aðalkeppnina. Tilvalið að halda upp á afmælið á Eurovision. Svo býst ég við að það verði skundað niður á Nasa í brjálað stuð með Páli Óskari og fleiri Eurovision félögum  á eftir. Hlakka geggjað til

Svo tekur bara við vinna niður á Pósthúsi yfir sumarið. Var reyndar ýkt dugleg um daginn og vann 14-15 yfirvinnutíma svo ég ætti að fá smá auka aur næstu mánaðamót Er ennþá að vonast til að komast til DK í sumar, en það er alveg óvíst, sakna DK alltaf jafn mikið. Vona svo bara að mörg tækifæri gefist til að skreppa í bústað og út úr bænum í sumar, alveg bráð nauðsynlegt. Allir sem hafa áhuga látið heyra í sér

Leiter geiter

Jojo

Gleðilegt sumar

og takk fyrir liðinn vetur!

Jæja þá eru 3 próf af 4 yfirstaðin og nú er bara að bíta á jaxlin, þrauka út síðasta prófið og standa sig vel. Fór í stærðfræðipróf í gær og gekk bara vel, þó svo að ég viti um eina villu, en æ það þýðir ekki að væla yfir því núna Er svo búin að fá út úr 2 fyrstu prófunum nú þegar og það kom svona líka vel út. Fékk 9 í Burðarþolsfræði, uppáhalds fagið mitt, og svo 8 í Efnisfræði sem að ég er barasta varla að trúa...var svo viss um að ég myndi skíta á mig í því prófi, óvænt ánægja Síðasta prófið er svo rennslisfræði og ætli það sé ekki tími til kominn að drulla sér upp í skóla og byrja að undirbúa sig fyrir það svo ég segi þetta gott í bili...

Jojo

Ég þori ekki annað en að henda inn stuttri færslu

Atburðir:

1.Frábær árshátíð hjá nemendafélagi skólans á Grand Hótel. Góður matur, frábær skemmtiatriði, góð tónlist og æðisleg stemmning. Allt gekk upp og allir skemmtu sér konunglega.

2.Kvenna- og kallaferð með skólanum. Keila, pool, lappdans (sko kennsla í lappdans ), matur, pravda, singstar og auðvita nóg af áfengi. Endað svo á Austfirðingaballi á Players í góðri stemmningu.

3.Byrjað í vísindaferð hjá ÍAV að skoða grunninn af nýja tónlistarhúsinu. Eftir það nemendafélagskosningar og kosningadjamm í Ásbyrgi. Mikið fjör og mikið gaman eins og alltaf, svaðaleg sveifla tekin á dansgólfinu, spjall, far heim með Aðalbjörgu nýkjörnum formanni eftir langan en góðan dag.

4.Ótrúlega vel heppnaður innflutningshittingur með vinum og kunningjum. Hvítvín, ostar, snakk, frönsk súkkulaði kaka, mikið spjallað og mikið hlegið, fíflaskapur eins og okkur einum er líkt, frábært kvöld í alla staði.

Svo hafa nokkur spil verið tekin, góður matur og formúla um páskana, en nú hefur alvaran tekin við. Prófin í full swing, búin með 2 af 4, síðasta próf næsta föstudag og eftir það feitt próflokadjamm

Bæ í bili

Jojo

 

Jæja þá er maður loksins fluttur í höllina upp í sveit eða upp í rassgati eins og flestir vilja meina að þetta sé. Við flutningana fór ég virkilega að spá í því hvernig í ósköpunum ég ætti nú að koma öllu þessu dóti fyrir, en viti menn, allt komst þetta á einhvern hátt inn í stóru litlu holuna mína og meira til Finnst hún bara stækka í hvert skipti sem ég horfi yfir hana. Helga G var svo mikill snillingur að redda mér 4 gefins eldhússtóla og Helga S sá til þess að ég ætti að geta boðið fólki upp á að borða af diskum og drekka úr glösum, ævinlega þakklát fyrir það Svo fór ég í uppáhalds búðina mína núna, IKEA, og keypti sófaborð, 4 sessur á eldhússtólana og lampaskerm. Ég veit að þið eigið ekki eftir að trúa því en mér tókst að fara út með þetta allt undir 5000 kalli! Svo á bara eftir að kaupa sjónvarpshillu og þá ætti þetta að vera komið í bili Svo tekur náttúrulega alltaf svolítinn tíma að koma sér fyrir en ég hef engar áhyggjur af því, ég hendi bara draslinu inn í fínu geymsluna mína

Annars eru bara tæpar 4 vikur eftir af þessum áfanga í skólanum og svo koma víst fjandans prófin Maður verður bara að bíta á jaxlinn og massa þetta! Allavega nóg að gera í félagslífinu í mars til að halda manni tæplega SANE, allavega í bili.

Allir velkomnir í heimsókn á nýja staðinn, bara bjalla

Óver end át for ná

Jojo

PS: Vil þakka öllum sem hjálpuðu til við flutningana kærlega fyrir hjálpina

Smá uppdate...

Það sem á daga mína hefur drifið síðan síðustu færslu...

mikið að læra eins og alltaf...en líka hellingur af skemmtilegum atburðum svo sem

 x-factor gláp á skúló þar sem ég hef fengið hlutverkið heimilis hundurinn Plútó ásamt fyrra sófakartöflustarfi. Eftir það heim til Árna að spila með strákunum og Eyrúnu Trivial til hálf 5 um nóttina þar sem stelpuliðið (ég og Eyrún) rúlluðum strákunum upp HAHAHA! Á laugardagskvöldið þar síðustu helgi var svo stelpukvöld, þar sem ég fór út að borða á Vegamótum með Birnu, Thelmu, Svandísi, Guðbjörgu, Karólínu og Elvu. Það var mjög kósý og kósýlegheitin héldu áfram heima hjá Karólínu með kokteilum og Eurovision. Síðan var ég dregin með Helgunum tveim í Eurovision partý á NASA með Páli Óskari DJ, og vá hvað það var ógeðslega mikið stuð og mikið af fólki. Hitti fullt af skemmtilegu liði og tvennan (Helga und Helga) fór næstum yfir um þegar við hittum sjálfan Friðrik Ómar, heeeví næs gaur sko!

Svo styttist enn meira í flutninga og núna eru bara 3 dagar þangað til að ég fæ vonandi afhent vííííí Þar sem ég var sko mega forvitin í n-ta veldi ákvað ég að fá Helgu G. með mér í heimsókn til hennar Dagmar stuðkellu sem býr í alveg nákvæmlega eins íbúð og ég er að fara að flytja í, til að sjá svona hvernig þetta liti út. Og vá hvað þetta er kósý!!!!! ég er búin að vera viðþolslaus síðan, hahaha, ég hlakkaði mikið til áður, en núna er ég gjörsamlega að springa hlakka til að geta boðið öllum í heimsókn á nýja staðinn Þetta var svo kósý hjá okkur að við ákváðum að það væri TAKA 2 á föstudagskvöldið með Siggu og bjór, hvítvíni, snakki og enn meira kósý....sátum þar 4 til klukkan að ganga 3. Þá voru sumir orðnir það fullir að þeir mundu ekki hvað þeir skrifuðu á msn svo að þá var tími til kominn að skutla sumum í bæinn og drífa sig svo heim 

Á föstudeginum fór ég hins vegar 2 vísindaferðir hvorki meira né minna. Sú fyrri var í boði Ármanns kennara í viðhaldsdeild Icelandair út á Keflavíkurflugfelli. Þessi ferð var vægast sagt algjör snilld. Inn í flugskýlinu fengum við að skoða þrjár Boeing 757 þotur, þar á meðal eina sem var verið að taka í mjög nákvæma skoðun og var þess vegna nánast í öreindum þarna á gólfinu hjá þeim. Búið að rífa allt innan úr henni svo við gátum skoðað alla víra og allt þannig dót. Fengum að fara inn í flugstjórnarklefann, skoða inn í hreyfilinn og mótorinn, skoða allt undir vængnum, inn í farangurshólfinu og bara allt sem við gátum komist að Held að það verði soldið öðruvísi tilfinning að fljúga eftir þessa ferð. Seinni ferðin var í Orkuveitu Reykjavíkur sem var meira eins og hefðbundin vísindaferð með smá kynningu, stuttum túr um húsið og svo veitingar á eftir. Það var fínt en stóðst engan veginn samanburðinn við fyrri ferð dagsins

Síðan þá hefur hefur bara leti og lærdómur horbjóður verið ríkjandi og mun vera fram að flutningum. En þá verður sko líka gaman hjá minni

Hef komist að því við skrif þessarar færslu að það er víst soldið sniðugt að blogga með styttra millibili, þetta tekur allt of langan tíma svona, líka svo mikið að gerast að maður á bara í stökustu vandræðum með að reyna að muna allt sem hefur gerst 

En þetta er komið gott...kveð í bili

Jóhanna sem finnst geðveikt cool að geta sagt : Ég hef staðið INN Í hreyfli á Boeing 757 þotu

PS: Sigga það er víst cool hahaha

Nú er víst kominn tíma á að fara að hugsa hvað maður skuli gera af sér næsta sumar. Veit ekki alveg hvort að ég reyni að finna mér vinnu eitthvað tengda náminu eða hvort ég aulist bara, fari auðveldu leiðina og vinni eitt sumar í viðbót hjá Pósthúsinu. Það er voðalega freistandi að fara aftur í vinnuumhverfi sem maður þekkir vel, en þannig kemst maður víst ekkert lengra í lífinu. Jæja það mun koma í ljós fyrr eða síðar.

Hvað ætlar fólk annars að bralla skemmtilegt í sumar? Ég held að það sé bara must hjá mér að fara til elsku bestu Danmerkur ef að fjárhagur leyfir. Er með svo mikil fráhvarfseinkenni í augnablikinu að ég hef ákveðið að halda mína eigin dönsku daga þar sem allt danskt mun vera í miklu fyrirrúmi hjá mér næstu daga Gígja frænka er að fara á tónleika með Justin Timberlake á Parken 23.júní og mig dauðlangar með! Svo er nátla Roskilde Festival eins og á hverju sumri og er útlit fyrir góða hátíð í ár. Væri algjör snilld að komast með nokkrum krökkum úr tæknifræðinni og helling af öðrum íslendingum á mína fyrstu Hróaskelduhátið!

Það styttist alltaf meir og meir í flutninga. Fékk búnt af kössum niður í vinnu áðan og held að ég fari bara að byrja að pakka niður. Nenni ekki að vera í stresskasti að pakka öllu í einu niður nokkrum dögum fyrir flutninga, það er samt svo tíbískt ég Svo er ég víst búin að lofa innflutningspartý, en það virðist sem að ég verði að halda fleiri en eitt þar sem mjög ólíklegt er að allir komist inn í litla 43 fm stúdíóíbúð í einu.

Men nu gider jeg ikke mere, hej så længe...

PS: Nýjar myndir frá partýinu í Hafnafirði og kveðjupartýinu hennar Maríu (verð eiginlega að fá fleiri myndir hjá ykkur Helgunum, skammarlegt að vera bara með 5 birtanlegar myndir )

Vá hvað tíminn líður hratt! Ég sem ætlaði að vera svo dugleg að blogga, bara ekkert að standa mig í þessu, það er bara svo mikið að gera hjá mér þessa dagana.

En merkileg tímamót framundan hjá mér, er að flytja að heiman! Er varla að trúa þessu ennþá. Sótti um að fá íbúð til leigu hjá BN (Byggingafélag Námsmanna) en gerði mér engar vonir um að fá úthlutað fyrr en í haust, fyrsta lagi í vor, en ég var varla búin að sækja um fyrr en ég fékk úthlutaða stúdíóíbúð upp í Grafarholtinu Fæ vonandi afhent 1.mars ef ekkert þarf að gera í íbúðinni á undan, sem er mjög ólíklegt held ég. Sem sagt flutningar eftir 2 og hálfa viku

Svo er handboltinn búinn í bili, strákarnir stóðu sig eins og hetjur. Voru hrykalega nálægt því að komast í 4 liða úrslitin, eins og allir sem horfðu á leikinn á móti dönum muna væntalega, þar sem þetta var mest spennandi handboltaleikur í sögu landsliðsins hlýtur að vera! En allt kom fyrir ekki og endaði liðið í 8.sæti. Áttum samt markahæsta mannin á mótinu og 5 markahæstu af 10, ekki afleitt það

Búið að vera fullt að gerast í félagslífinu undanfarið. Hafnafjarðarþrennan í skólanum(aka Andrés, Nökkvi og Sindri) buðu liðinu heim til sín eftir vísindaferð í VSB og eftir snilldar partý var aðeins kíkt niður í bæ. Samtals 13-14 tíma djamm hvorki meira né minna, enda var maður alveg búinn á því daginn eftir Kvöldið eftir var María með kveðjupartý, var svona frekar róleg í því sökum svaðalegs djamms daginn áður. En drattaðist nú samt með þeim niður í bæ og þetta endaði bara með rosa góðu kvöldi   Svo var vægast sagt snilldar óvissuferð í gær með Technis! Fær stjórnin og Heiðrún sérstaklega EITT RISASTÓRT KLAPP fyrir vel heppnaða ferð! Byrjuðum á því að fara á hestbak hjá Íshestum í Hafnafirði sem var bara ÆÐISLEGT, kveikti alveg á hestasýkinni aftur! Vá ég verð bara að komast aftur á bak sem allra allra fyrst! Lýsi eftir einhverjum sem vill koma með mér á hestbak, eða einhverjum sem getur komið mér á bak Svo var farið í leiki og lærðir tveir dansar áður en það var borðaður kvöldmatur í salnum hjá Íshestum. Eftir það var farið niður í elliðarárdal í leiki, bjórþamb og Dogeball og stóð ég ein eftir í mínu liði í Dogeball á móti 3 strákum í restina. Tókst að taka einn út en svo asnaðist annar þeirra sem eftir var til að grípa frá mér En ég ætla leyfa mér að halda að ég hafi líka verið pínu ponsu lítill sigurvegari Eftir leiki var náð í meira áfengi, gítarstemmningin sótt upp í skóla og svo var haldið af stað út fyrir bæinn þar sem við enduðum í fínustu skemmu í Borgarfirðinum held ég og þar var svaka stemmning með þorramat og miklum söng Eins og ég sagði til að byrja með, SNILLDAR ferð!

En jæja þá er María mín farin aftur á vit ævintýranna í Ástralíu, vá hvað ég á eftir að sakna hennar mikið. En get bara byrjað að hlakka til að hitta hana aftur þegar hún kemur heim næst

Læt þetta nægja í bili, sé hvort að ég komi nokkrum nýjum myndum inn fljótlega ef að talvan lætur af stjórn...

Jojo hestasjúka

Fyrst að (nota bene ekki VÍST að ) maður situr hérna upp í skóla og hangir á netinu eins og mesti ónytjungur í stað þess að gera eitthvað vitrænt eins og að grynka á verkefnabunkanum fyrir næstu viku, ætli það sé þá ekki alveg eins gott að henda inn einni færslu eða svo áður en verklegar hamfarir hefjast í Ransóknarstofnun byggingaiðnaðarins eftir tæpan klukkutíma.

Minns langar í nýja myndavél! Vélin mín er eitthvað biluð greyið og hef ég verið að notast við vægast sagt mjög einfalda úgáfu af vélinni minni sem er er barasta ekki nógu góð verð ég bara að segja. Búin að sjá 6.0 millj.pixla Canon vél í ELKO sem mig langar geðveikt í, með stórum skjá og þæginlegheit. En ætli það sé ekki soldið blóðugt fyrir jafn fátækan námsmann og mig að smella sér á gripinn, sennilega hægt að nota peninginn í eitthvað gáfulegra en það. En svo er líka spurning, hvers vegna að byrja allt í einu á því að vera skynsamur núna, á maður að taka íslenska mottóið á þetta, kaupa draslið og hugsa svo bara "Þetta reddast! "

Undanfarnir dagar hafa verið sannkallaðir handboltadagar eins og sennilega flestir hafa tekið eftir. Íslenska landsliðið í handbolta átti þennan líka stórkostlega seinni hálfleik í gær á móti Túnis eftir að hafa verið 5 mörkum undir í þeim fyrri. Mikið er ég nú fegin að hafa misst bara af fyrri hálfleiknum, ætli maður hefði ekki verið farin að skæla og hættur að horfa þegar útlitið var sem verst. En liðið sýndi mikinn karakter, gáfust ekki upp og áttu bókstaflega allan seinni hálfleikinn. Svo er bara spurning hvort að liðið nái að sigra Pólland í kvöld og tryggja sér þannig sæti í 8 liða úrslitunum. Þó að ég hafi fulla trú á að strákarnir geti þetta, þá er ég nú samt að hugsa um að halda mig á jörðinni og vera sæmilega svartsýn á þetta, vonbrigðin verða þá minni ef allt fer á versta veg.

En ég segi bara ÁFRAM ÍSLAND og vona að ég lifi af verklegar hörmungar og 60 min stresskast.

Jæja gleðilegt nýtt ár allir saman, ef það er einhver sem kíkir á þessa síðu ennþá... síðan síðast fyrir löngu síðan er allt bara búið að vera brjálað að gera í uppáhalds langbesta skólanum mínum HR upp á Höfðabakka, áður Tækniskóli Íslands. Það gekk líka svona þrusu vel á síðustu önn að það þýðir ekkert að slaka á á þeirri sem nýlega er hafin. Fyrir utan að læra fylgir það víst háskólalífi svona líka svakalegt djamm á nánast hverjum einasta föstudegi, þar sem maður er nú í tveimur nemendafélögum hvorki meira né minna. Fórum líka góður hópur í helgarferð austur á land og kíktum á Kárahnjúka og Reyðarfjörð og allar framkvæmdirnar þarna fyrir austan. Þar fór eitt stykki rúta út af, en það fór betur en áhorfðist og hefur þessi ferð þar af leiðandi einnig verið þekkt sem Rútuferðin. Það var mjög skemmtileg ferð eins og líka Ómenningarferðin á Akureyri síðast liðnu helgi. Þar var eitthvað Háskólamót á vegum Háskólans á Akureyri...en mest af öllu bara djamm og meira djamm með úrvals fólki úr tæknideildinni ásamt báðum verkfræðinemunum í ferðinni...þær voru nefnilega alveg 2! 

María Barbara ákvað að heiðra landsmenn með nærveru sinni yfir jól og áramót, en elskan er víst að fara að stinga okkur af aftur í febrúar Höfum átt mjög góðar stundir síðan hún kom í endan nóvember, meðal annars geðveikir rockstar tónleikar og frábært þrettándadjamm í mat og öll herlegheit ala Helga Sveins á Skúlagötunni. Eigum allavega eftir eitt gott djamm og eflaust nokkur video og spilakvöld ef ég þekki okkur rétt áður en hún fer aftur að hoppa með kengúrunum.

Ásamt þessu ætla ég að henda inn hellings af myndum frá Kárahnjúkum (aka rútuferðin), ómenningunni á Akureyri og Þrettándadjamminu, ENJOY

Já þið segið það, bara allir duglegir að blogga nema ég...hmmm meira að segja María, þá er ástandi orðið slæmt á þessum bæ hahaha. En já ég skal reyna að gera eina tilraunina enn til að endurlífga þetta blessaða blog.
Já ég er sem sagt bara búin að vera að vinna í allt sumar, fékk smá frí til að fara í sumarbústað tæpa viku með mömmu og brósa. Thelma, Adrien og Kristbjörg komu með og voru yfir helgina, og var heitapotturinn óspart notaður! Mjög góð ferð þrátt fyrir grenjandi rigningu og bilaðar rúðuþurkur! já sko alveg mín heppni!
Í endan júní fékk maður svo aldeilis óvænta heimsókn. María Barbara prakkari kom heim í mánuð án þess að láta nokkurn mann vita og tókst að láta mig fá létt taugaáfall. Hef aldrei lent í svona aðstæðum áður, ætlaði bara ekki að trúa mínum eigin augum að hún stæði þarna í alvörunni, bara draumur í dós! Fórum ma. í singstar, á Þingvelli og á Vegamót að fá okkur góðan mat, mmm. Það var yndislegt að fá þig í heimsókn, get ekki beðið þangað til í vetur þegar þú kemur heim aftur, það styttist nú sem betur fer í það!
Síðan skrapp ég með pabba til Þýskalands á Formúlu 1 keppni á Hockenheim. Veðrið var geggjað, sól og 30-35° allan tíman. Vorum á brautinni alla helgina að horfa á æfingar, tímatöku og svo keppnina sjálfa í vægast sagt MJÖG RAUÐU Ferrari/Schumacher umhverfi, svo sem alveg við því að búast þarna. Það var svo ekki til að skemma rauðu stemmninguna að fá töfaldan Ferrari-sigur og Shummí í fyrsta En vá þetta er ekkert smá stórt batterí þessi keppni, heilt þorp af sölu og sýningarbásum sem var hægt að skoða og staðir til að fá sér að borða og slappa af á milli atriða. Getið séð smá part af því á myndunum sem ég setti inn. Ætla ekkert að reyna að lýsa tilfinningunni og kickinu sem maður fær við að vera actually á staðnum með bílana á rúmlega 200 km hraða á klst. framhjá sér og öll lætin sem því fylgja, mæli bara með því að allir sem hafa minnstan áhuga á þessu prófi þetta allavega einu sinni! Versta við það er að þegar maður hefur prófað einu sinni er maður alveg húkt Þýskaland og Formúla sem sagt snilld!
Á föstudaginn var svo nýnemadagur HR, mæting niður í HR Ofanleiti milli 8 og 9 þar sem skólinn var settur og svo fengu allir túr um skólan nmeð sýnum nemendafélögum. Minn hluti tók rútu upp á höfða til að skoða aðstöðuna okkar þar uppfrá. Eftir það var boðið í grill niður í Ofanleiti þar sem allir söfnuðust saman aftur.
Eftir allt þetta var skroppið heim og útilegudótið tekið til þar sem ég og Sigga ákváðum að skella okkur í nýnemaútileguna upp í Þrastarskóg. Við erum nátla svo miklir snillingar eins og allir vita að okkur tókst að fara í kolvitlausa rútu með Pragma (Nemendafélag verkfræðinema við HR) og nýnemum í verkfræði, úpsasí En þau voru bara ótrúlega næs og tóku okkur bara í hópinn þó að Sigga sé að fara í viðskiptafræði og ég í tæknifræði. Okkur sem sagt tókst að kynnast vitlausu fólki svo við verðum bara að kynnast fólkinu í okkar deildum þegar skólinn byrjar Upp í Þrastarlundi var svo bara þrusu stemmning með risa partýtjaldi og öllu sem til þarf. Og ekki vantaði veigarnar þar sem búið var að koma fyrir nokkrum fiskikörum fullum af klökum og ísköldum TUBORG! Versta við frítt áfengi er dagurinn á eftir En hann er liðinn hjá og góðu stundirnar standa upp úr
En nú fer alvara lífsins að taka við! Skólinn byrjar hvorki meira né minna en bara á morgun, sjæse! Var reyndar ýkt dugleg og fór á 2 vikna undirbúiningsnámskeið í stærðfræði og eðlisfræði. Er ótrúlega fegin að hafa drifið mig á það, vonandi að það hjálpi manni að komast af stað í geðveikinni. Svo er bara að duga eða drepast. Ætla mér að DUGA í þetta skipti! Lýst bara vel á þetta svona só far.

Jæja smá ritgerð, getið allavega hætt að kvarta yfir blogleysi, en ég lofa engu um hvenær má búast við næstu færslu
Kv jojo

Jæja búin að bæta fullt af myndum inn á netið, bæði nýjum og gömlum Tékkið td á linkum Djamm 2006 og Kveðjupartý, Ástralía og fleira.... enjoy
Jojo

HAHAHAHAHA ég er að fara frítt á Roger Waters - Pink Floyd, á A-svæði...algjör snilld...10 þús kall sem maður sleppir við að borga, ekki slæmt það ha ?!?!?! I love my job right now  allavega hlakka geggjað til! Á döfinni í sumar: Sumarbústaður fyrstu helgina í júlí, kannski út til Danmerkur 5-24.júlí ef að ég get reddað því, einhverjar útlegur vonandi og svo Formúla 1 í Þýskalandi með pabba! Svo tekur bara alvara lífsins við í ágúst...æ ætla nú ekkert að vera að drepa niður þetta góða sumarplan hjá mér með því að vera að pæla allt of mikið í því í augnablikinu, það verður tekið á því þegar þar að kemur  Óska annars öllum bara góðrar langrar hvítasunnuhelgi 
Jojo